Bêdeng

Hiş, bila kes nebihîsin
Nebihîsin, dimirim ha 
Hîv bûm di nîvê şevê da
Dû ra baranek kesk… 
Kesk dibare.

Li wê stêrka wendayî, ya herî dûr 
Ya bênav û bêkes
Stradîvarîûsek xwe bi xwe ra dinale,
Ma tu dibihîzî? 
Kewana wê, mistek û pira wê kesk. 
Dibêje ên ku nemir, rind û çetin 
Berê ez bûm, paşê ez im… 
Awaza wê ye a ku li tevahiya gerdûnê
Tenhayiyên kivş û nekivş digere. 
Niha can û pûrta min dipêçe 
Bi bayê xwe ra bangîn… 
Kesk dipêçe. 

Xewn e, hemû kişandiyên me. 
Xewn e qehra min, xewn e zîndan. 
Çawa jî gîhişt salan 
Serpêhatiya min a bejn çewkî… 
Nizanin em çawa li hev û din geriyan 
Nizanin me çawa ji hev hez kir, 
Du hesretên wendayî, 
Du perçe can. 
Qelişî dilê kevirêhestan, 
Aveke bi sedsalan hatiye fetisandin  
Diherike di hûnikayiya keskesoran da…
Kesk diherike. 

Hişbûye hemû lûle, 
Di devên wan da gulên kesk pijiqiye… 
Hişbûye çiya, 
Hişbûye behr. 
Dinya aram, 
Xew kûr e, 
Mar avê tîne ji çêlika beytikê ra. 
Jina terr nedibû,  keçek çavşîn aniye, 
Pêsîrên wê biadan û hûnik… 
Kesk didoşe. 

Hîv bûm di nîvê şevê da 
Neron, di pirtûkên zarokan da sûretek nerind. 
Û Sezar jî, navekî ye, di xiravan da. 
Le tu dibê qey kevirê xinçerê ye 
Kartaca’ yê mezin! 
Kanê, ava niftê  berda bûn ser 
Mêzekî çawa digîre, egît, 
Bi hezaran salan şûn va jî 
Kesk digîre. 

Li bilindayiya çiyê dide 
Siya zelal û 
Deqdeqî a başoka min. 
Li teyra naxe, kêrgûya nagire, 
Le semasiyên birçî û har in  
Ên ku ew perçe dike 
Binihêre, Tîber rêzdar û bêdeng. 
Binihêre, zincira rêza nîlufer. 
Vana qeyd û pazbendên 
Yekemîn hêvî, yekemîn dergîstî  
Û yekemîn gerîlla yê cîhanê Spartakus e. 
Kesk hişbûye.

 
Hiş,bila kes nebihîsin 
Nebihîsin, dimirim ha 
Hîv bûm di nîvê şevê da 
Dû ra min tu dît. 
Tu, perçê zêr ên parsûyên min. 
Tu, di diranê te da bêhna sêvê. 
Ma carek din kijan dayîk me di welidîne? 

Rihê min… 
Çewkîya dixwinim, bila haya te jê hebe. 
Meyxana herî piçûk  a çarşûyan ev e, 
Porên wê di rûyên min da bira û zarokane. 
Di bin çermên me da ew mirina bênamûs… 
Û cara yekiye rast dihere karê Ahmed. 
Cara yekiye bêxinçeriya destên dosta… 
Kesk digîre. 

Wergerandin: J. Alpîranî